यजुर्वेद
यजुर्वेद- अध्याय 15, (yajurved Adhyay 15)
॥ अथ यजुर्वेदः
॥
अध्याय
15
यजुर्वेदः-संहिता
| अध्याय 15, मंत्र 1
अग्ने जातान्
प्र णुद नः सपत्नान् प्रत्य् अजातान् नुद जातवेदः ।
अधि नो ब्रूहि सुमना ऽ अहेडम्̐स्
तव स्याम शर्मम्̐स् त्रिवरूथ ऽ उद्भौ ॥
यजुर्वेदः-संहिता
| अध्याय 15, मंत्र 2
सहसा जातान्
प्र णुदा नः सपत्नान् प्रत्य् अजातान् जातवेदो नुदस्व ।
अधि नो ब्रूहि सुमनस्यमानो वयम्̐
स्याम प्र णुदा नः सपत्नान् ॥
यजुर्वेदः-संहिता
| अध्याय 15, मंत्र 3
षोडशी स्तोम
ऽ ओजो द्रविणम् ।
चतुश्चत्वारिम्̐श
स्तोमो वर्चो द्रविणम् ।
अग्नेः पुरीषम् अस्य अप्सो नाम तां त्वा विश्वे ऽ
अभि गृणन्तु देवाः ।
स्तोमपृष्ठा घृतवतीह सीद प्रजावद् अस्मे द्रविणा
यजस्व ॥
यजुर्वेदः-संहिता
| अध्याय 15, मंत्र 4
एवश् छन्दः
।
वरिवश् छन्दः ।
शंभूश् छन्दः ।
परिभूश् छन्दः ।
ऽ आच्छच् छन्दः ।
मनश् छन्दः ।
व्यचश् छन्दः ।
सिन्धुश् छन्दः ।
समुद्रश् छन्दः ।
सरिरं छन्दः ।
ककुप् छन्दः ।
त्रिककुप् छन्दः ।
काव्यं छन्दः ।
ऽ अङ्कुपं छन्दः ।
अक्षरपङ्क्तिश् छन्दः ।
पदपङ्क्तिश् छन्दः ।
विष्टारपङ्क्तिश् छन्दः ।
क्षुरो भ्राजश् छन्दः ॥
यजुर्वेदः-संहिता
| अध्याय 15, मंत्र 5
आच्छच् छन्दः
।
प्रच्छच् छन्दः ।
संयच् छन्दः ।
वियच् छन्दः ।
बृहच् छन्दः ।
रथन्तरं छन्दः ।
निकायश् छन्दः ।
विवधश् छन्दः ।
गिरश् छन्दः ।
भ्रजश् छन्दः ।
सम्̐स्तुप् छन्दः ।
ऽ अनुष्टुप् छन्दः ।
ऽ एवश् छन्दः ।
वरिवश् छन्दः ।
वयश् छन्दः ।
वयस्कृच् छन्दः ।
विष्पर्धाश् छन्दः ।
विशालं छन्दः ।
छदिश् छन्दः ।
दूरोहणं छन्दः ।
तन्द्रं छन्दः ।
ऽ अङ्काङ्कं छन्दः ॥
यजुर्वेदः-संहिता
| अध्याय 15, मंत्र 6
रश्मिना सत्याय
सत्यं जिन्व ।
प्रेतिना धर्मणा धर्मं जिन्व ।
अन्वित्या दिवा दिवं जिन्व ।
संधिनान्तरिक्षेणान्तरिक्षं जिन्व ।
प्रतिधिना पृथिव्या पृथिवीं जिन्व ।
विष्टम्भेन वृष्ट्या वृष्टिं जिन्व ।
प्रवया ऽह्नाहर् जिन्व ।
अनुया रात्र्या रात्रीं जिन्व ।
उशिजा वसुभ्यो वसून् जिन्व ।
प्रकेतेनादित्येभ्य ऽ आदित्यान् जिन्व ॥
यजुर्वेदः-संहिता
| अध्याय 15, मंत्र 7
तन्तुना रायस्पोषेण
रायस्पोषं जिन्व ।
सम्̐सर्पेण श्रुताय श्रुतं जिन्व ।
ऐडेनौषधीभिर् ओषधीर् जिन्व ।
उत्तमेन तनूभिस् तनूर् जिन्व ।
वयोधसाधीतेनाधीतं जिन्व ।
अभिजिता तेजसा तेजो जिन्व ॥
यजुर्वेदः-संहिता
| अध्याय 15, मंत्र 8
प्रतिपद्
असि प्रतिपदे त्वा ।
अनुपद् अस्य् अनुपदे त्वा ।
सम्पद् असि सम्पदे त्वा ।
तेजो ऽसि तेजसे त्वा ॥
यजुर्वेदः-संहिता
| अध्याय 15, मंत्र 9
त्रिवृद्
असि त्रिवृते त्वा ।
प्रवृद् असि प्रवृते त्वा ।
विवृद् असि विवृते त्वा ।
सवृद् असि सवृते त्वा ।
ऽऽआक्रमो ऽस्य् आक्रमाय त्वा ।
संक्रमो ऽसि संक्रमाय त्वा ।
उत्क्रमो ऽस्य् उत्क्रमाय त्वा ।
उत्क्रान्तिर् अस्य् उत्क्रान्त्यै त्वा ।
अधिपतिनोर्जोर्जं जिन्व ॥
यजुर्वेदः-संहिता
| अध्याय 15, मंत्र 10
राज्ञ्य्
असि प्राची दिग् वसवस् ते देवा ऽ अधिपतयो ऽग्निर् हेतीनां प्रतिधर्ता त्रिवृत् त्वा
स्तोमः पृथिव्याम्̐ श्रयत्व् आज्यम् उक्थम् अव्यथायै स्तभ्नातु
रथन्तरम्̐ साम प्रतिष्ठित्याऽ अन्तरिक्ष ऽ ऋषयस्
त्वा प्रथमजा देवेषु दिवो मात्रया वरिम्णा प्रथन्तु विधर्ता चायम् अधिपतिश् च ते त्वा
सर्वे संविदाना नाकस्य पृष्ठे स्वर्गे लोके यजमानं च सादयन्तु ॥
यजुर्वेदः-संहिता
| अध्याय 15, मंत्र 11
विराड् असि
दक्षिणा दिग् रुद्रास् ते देवा ऽ अधिपतय ऽ इन्द्रो हेतीनां प्रतिधर्ता पञ्चदशस् त्वा
स्तोमः पृथिव्याम्̐ श्रयतु प्रौगम् उक्थम् अव्यथायै स्तभ्नातु
बृहत् साम प्रतिष्ठित्या ऽ अन्तरिक्ष ऽ ऋषयस् त्वा प्रथमजा देवेषु दिवो मात्रया वरिम्णा
प्रथन्तु विधर्ता चायम् अधिपतिश् च ते त्वा सर्वे संविदाना नाकस्य पृष्ठे स्वर्गे लोके
यजमानं च सादयन्तु ॥
यजुर्वेदः-संहिता
| अध्याय 15, मंत्र 12
सम्राड् असि
प्रतीची दिग् आदित्यास् ते देवा ऽ अधिपतयो वरुणो हेतीनां प्रतिधर्ता सप्तदशस् त्वा
स्तोमः पृथिव्याम्̐ श्रयतु मरुत्वतीयम् उक्थम् अव्यथायै
स्तभ्नातु वैरूपम्̐ साम प्रतिष्ठित्या ऽ अन्तरिक्ष ऽ ऋषयस्
त्वा प्रथमजा देवेषु दिवो मात्रया वरिम्णा प्रथन्तु विधर्ता चायम् अधिपतिश् च ते त्वा
सर्वे संविदाना नाकस्य पृष्ठे स्वर्गे लोके यजमानं च सादयन्तु ॥
यजुर्वेदः-संहिता
| अध्याय 15, मंत्र 13
स्वराड् अस्य्
उदीच्य् दिङ् मरुतस् ते देवा ऽ अधिपतयः सोमो हेतीनां प्रतिधर्तैकविम्̐शस्
त्वा स्तोमः पृथिव्याम्̐ श्रयतु निष्केवल्यम् उक्थम् अव्यथायै
स्तभ्नातु वैराजम्̐ साम प्रतिष्ठित्या ऽ अन्तरिक्ष ऽ ऋषयस्
त्वा प्रथमजा देवेषु दिवो मात्रया वरिम्णा प्रथन्तु विधर्ता चायम् अधिपतिश् च ते त्वा
सर्वे संविदाना नाकस्य पृष्ठे स्वर्गे लोके यजमानं च सादयन्तु ॥
यजुर्वेदः-संहिता
| अध्याय 15, मंत्र 14
अधिपत्न्य्
असि बृहती दिग् विश्वे ते देवा ऽ अधिपतयो बृहस्पतिर् हेतीनां प्रतिधर्ता त्रिणवत्रयस्त्रिम्̐शौ
त्वा स्तोमौ पृथिव्याम्̐ श्रयतां वैश्वदेवाग्निमारुते ऽ उक्थे
ऽ अव्यथायै स्तभ्नीताम्̐ शाक्वररैवते सामनी प्रतिष्ठित्या ऽ
अन्तरिक्ष ऽ ऋषयस् त्वा प्रथमजा देवेषु दिवो मात्रया वरिम्णा प्रथन्तु विधर्ता चायम्
अधिपतिश् च ते त्वा सर्वे संविदाना नाकस्य पृष्ठे स्वर्गे लोके यजमानं च सादयन्तु ॥
यजुर्वेदः-संहिता
| अध्याय 15, मंत्र 15
अयं पुरो
हरिकेशः सूर्यरश्मिस् तस्य रथगृत्सश् च रथौजाश् च सेनानीग्रामण्यौ ।
पुञ्जिकस्थला च क्रतुस्थला चाप्सरसौ दङ्क्ष्णवः पशवो
हेतिः पौरुषेयो वधः प्रहेतिस् तेभ्यो नमो ऽ अस्तु ते नो ऽवन्तु ते नो मृडयन्तु ते यं
द्विष्मो यश् च नो द्वेष्टि तम् एषां जम्भे दध्मः ॥
यजुर्वेदः-संहिता
| अध्याय 15, मंत्र 16
अयं दक्षिणा
विश्वकर्मा तस्य रथस्वनश् च रथेचित्रश् च सेनानीग्रामण्यौ ।
मेनका च सहजन्या चाप्सरसौ यातुधाना हेती रक्षाम्̐सि
प्रहेतिस् तेभ्यो नमो ऽअस्तु ते नो ऽवन्तु ते नो मृडयन्तु ते यं द्विष्मो यश् च नो
द्वेष्टि तम् एषां जम्भे दध्मः ॥
यजुर्वेदः-संहिता
| अध्याय 15, मंत्र 17
अयं पश्चाद्
विश्वव्यचास् तस्य रथप्रोतश् चासमरथश् च सेनानीग्रामण्यौ ।
प्रम्लोचन्ती चानुम्लोचन्ती चाप्सरसौ व्याघ्रा हेतिः
सर्पा प्रहेतिस् तेभ्यो नमो ऽ अस्तु ते नो ऽवन्तु ते नो मृडयन्तु ते यं द्विष्मो यश्
च नो द्वेष्टि तम् एषां जम्भे दध्मः ॥
यजुर्वेदः-संहिता
| अध्याय 15, मंत्र 18
अयम् उत्तरात्
संयद्वसुस् तस्य तार्क्ष्यश् चारिष्टनेमिश् च सेनानीग्रामण्यौ ।
विश्वाची च घृताची चाप्सरसाव् आपो हेतिर् वातः प्रहेतिस्
तेभ्यो नमो ऽ अस्तु ते नो ऽवन्तु ते नो मृडयन्तु ते यं द्विष्मो यश् च नो द्वेष्टि
तम् एषां जम्भे दध्मः ॥
यजुर्वेदः-संहिता
| अध्याय 15, मंत्र 19
अयम् उपर्य्
अर्वाग्वसुस् तस्य सेनजिच् च सुषेणश् च सेनानीग्रामण्यौ ।
उर्वशी च पूर्वचित्तिश् चाप्सरसाव् अवस्फूर्जन् हेतिर्
विद्युत् प्रहेतिस् तेभ्यो नमो ऽ अस्तु ते नो ऽवन्तु ते नो मृडयन्तु ते यं द्विष्मो
यश् च नो द्वेष्टि तम् एषां जम्भे दध्मः ॥
यजुर्वेदः-संहिता
| अध्याय 15, मंत्र 20
अग्निर् मूर्धा
दिवः ककुत् पतिः पृथिव्या ऽ अयम् ।
अपाम्̐ रेताम्̐सि
जिन्वति ॥
यजुर्वेदः-संहिता
| अध्याय 15, मंत्र 21
अयम् अग्निः
सहस्रिणो वाजस्य शतिनस् पतिः ।
मूर्धा कवी रयीणाम् ॥
यजुर्वेदः-संहिता
| अध्याय 15, मंत्र 22
त्वाम् अग्ने
पुष्कराद् अध्य् अथर्वा निर् अमन्थत ।
मूर्ध्नो विश्वस्य वाघतः ॥
यजुर्वेदः-संहिता
| अध्याय 15, मंत्र 23
भुवो यज्ञस्य
रजसश् च नेता यत्रा नियुद्भिः सचसे शिवाभिः ।
दिवि मूर्धानं दधिषे स्वर्षां जिह्वाम् अग्ने चकृषे
हव्यवाहम् ॥
यजुर्वेदः-संहिता
| अध्याय 15, मंत्र 24
अबोध्य् अग्निः
समिधा जनानां प्रति धेनुम् इवायतीम् उषासम् ।
यह्वा ऽ इव प्र वयाम् उज्जिहानाः प्र भानवः सिस्रते
नाकम् अच्छ ॥
यजुर्वेदः-संहिता
| अध्याय 15, मंत्र 25
अवोचाम कवये
मेध्याय वचो वन्दारु वृषभाय वृष्णे ।
गविष्ठिरो नमसा स्तोमम् अग्नौ दिवीव रुक्मम् उरुव्यञ्चम्
अश्रेत् ॥
यजुर्वेदः-संहिता
| अध्याय 15, मंत्र 26
अयम् इह प्रथमो
धायि धातृभिर् होता यजिष्ठो ऽ अध्वरेष्व् ईड्यः ।
यम् अप्नवानो भृगवो विरुरुचुर् वनेषु चित्रं विभ्वं
विशे-विशे ॥
यजुर्वेदः-संहिता
| अध्याय 15, मंत्र 27
जनस्य गोपा
ऽ अजनिष्ट जागृविर् अग्निः सुदक्षः सुविताय नव्यसे ।
घृतप्रतीको बृहता दिविस्पृशा द्युमद् वि भाति भरतेभ्यः
शुचिः ॥
यजुर्वेदः-संहिता
| अध्याय 15, मंत्र 28
त्वाम् अग्ने
ऽ अङ्गिरसो गुहा हितम् अन्व् अविन्दञ् छिश्रियाणं वने-वने ।
स जायसे मथ्यमानः सहो महत् त्वाम् आहुः सहसस् पुत्रम्
अङ्गिरः ॥
यजुर्वेदः-संहिता
| अध्याय 15, मंत्र 29
सखायः सं
वः सम्यञ्चम् इषम्̐ स्तोमं चाग्नये ।
वर्षिष्ठाय क्षितीनामूर्जो नप्त्रे सहस्वते ॥
यजुर्वेदः-संहिता
| अध्याय 15, मंत्र 30
सम्̐-सम्
इद् युवसे वृषन्न् अग्ने विश्वान्य् अर्य ऽ आ ।
इडस् पदे सम् इध्यसे स नो वसून्य् आ भर ॥
यजुर्वेदः-संहिता
| अध्याय 15, मंत्र 31
त्वां चित्रश्रवस्तम
हवन्ते विक्षु जन्तवः ।
शोचिष्केशं पुरुप्रियाग्ने हव्याय वोढवे ॥
यजुर्वेदः-संहिता
| अध्याय 15, मंत्र 32
एना वो ऽ
अग्निं नमसोर्जो नपातम् आ हुवे ।
प्रियं चेतिष्ठम् अरतिम्̐
स्वध्वरं विश्वस्य दूतम् अमृतम् ॥
यजुर्वेदः-संहिता
| अध्याय 15, मंत्र 33
विश्वस्य
दूतम् अमृतं विश्वस्य दूतम् अमृतम् ।
स योजते ऽ अरुषा विश्वभोजसा स दुद्रवत् स्वाहुतः
॥
यजुर्वेदः-संहिता
| अध्याय 15, मंत्र 34
स दुद्रवत्
स्वाहुतः स दुद्रवत् स्वाहुतः ।
सुब्रह्मा यज्ञः सुशमी वसूनां देवम्̐
राधो जनानाम् ॥
यजुर्वेदः-संहिता
| अध्याय 15, मंत्र 35
अग्ने वाजस्य
गोमत ऽ ईशानः सहसो यहो ।
अस्मे धेहि जातवेदो महि श्रवः ॥
यजुर्वेदः-संहिता
| अध्याय 15, मंत्र 36
स ऽ इधानो
वसुष् कविर् अग्निर् ईडेन्यो गिरा ।
रेवद् अस्मभ्यं पुर्वणीक दीदिहि ॥
यजुर्वेदः-संहिता
| अध्याय 15, मंत्र 37
क्षपो राजन्न्
उत त्मनाग्ने वस्तोर् उतोषसः ।
स तिग्मजम्भ रक्षसो दह प्रति ॥
यजुर्वेदः-संहिता
| अध्याय 15, मंत्र 38
भद्रो नोऽअग्निर्
आहुतो भद्रा रातिः सुभग भद्रो ऽअध्वरः ।
भद्राऽ उत प्रशस्तयः ॥
यजुर्वेदः-संहिता
| अध्याय 15, मंत्र 39
भद्रा ऽ उत
प्रशस्तयो भद्रं मनः कृणुष्व वृत्रतूर्ये ।
येना समत्सु सासहः ॥
यजुर्वेदः-संहिता
| अध्याय 15, मंत्र 40
येना समत्सु
सासहो ऽव स्थिरा तनुहि भूरि शर्धताम् ।
वनेमा ते ऽ अभिष्टिभिः ॥
यजुर्वेदः-संहिता
| अध्याय 15, मंत्र 41
अग्निं तं
मन्ये यो वसुर् अस्तं यं यन्ति धेनवः ।
अस्तम् अर्वन्त ऽ आशवो ऽस्तं नित्यासो वाजिन ऽ इषम्̐
स्तोतृभ्य ऽ आ भर ॥
यजुर्वेदः-संहिता
| अध्याय 15, मंत्र 42
सो अग्निर्
यो वसुर् गृणे सं यम् आयन्ति धेनवः ।
सम् अर्वन्तो रघुद्रुवः सम्̐
सुजातासः सूरय ऽ इषम्̐ स्तोतृभ्य ऽ आ भर ॥
यजुर्वेदः-संहिता
| अध्याय 15, मंत्र 43
उभे सुश्चन्द्र
सर्पिषो दर्वी श्रीणीष ऽ आसनि ।
उतो न ऽ उत् पुपूर्या ऽ उक्थेषु शवसस् पत ऽ इषम्̐
स्तोतृभ्य ऽ आ भर ॥
यजुर्वेदः-संहिता
| अध्याय 15, मंत्र 44
अग्ने तम्
अद्याश्वं न स्तोमैः क्रतुं न भद्रम्̐ हृदिस्पृशम् ।
ऋध्यामा त ऽ ओहैः ॥
यजुर्वेदः-संहिता
| अध्याय 15, मंत्र 45
अधा ह्य्
अग्ने क्रतोर् भद्रस्य दक्षस्य साधोः ।
रथीर् ऋतस्य बृहतो बभूथ ॥
यजुर्वेदः-संहिता
| अध्याय 15, मंत्र 46
एभिर् नो
ऽ अर्कैर् भवा नो अर्वाङ् स्वर्ण ज्योतिः ।
अग्ने विश्वेभिः सुमना ऽ अनीकैः ॥
यजुर्वेदः-संहिता
| अध्याय 15, मंत्र 47
अग्निम्̐
होतारं मन्ये दास्वन्तं वसुम्̐ सूनुम्̐
सहसो जातवेदसं विप्रं न जातवेदसम् ।
य ऽ ऊर्ध्वया स्वध्वरो देवो देवाच्या कृपा ।
घृतस्य विभ्राष्टिम् अनु वष्टि शोचिषाऽऽजुह्वानस्य
सर्पिषः ॥
यजुर्वेदः-संहिता
| अध्याय 15, मंत्र 48
अग्ने त्वं
नो ऽ अन्तम उत त्राता शिवो भवा वरूथ्यः ।
वसुर् अग्निर् वसुश्रवा ऽ अच्छा नक्षि द्युमत्तमम्̐
रयिं दाः ।
तं त्वा शोचिष्ठ दीदिवः सुम्नाय नूनम् ईमहे सखिभ्यः
॥
यजुर्वेदः-संहिता
| अध्याय 15, मंत्र 49
येन ऽ ऋषयस्
तपसा सत्रम् आयन्न् इन्धाना ऽ अग्निम्̐ स्वर् आभरन्तः ।
तस्मिन्न् अहं नि दधे नाके ऽ अग्निं यम् आहुर् मनव
स्तीर्णबर्हिषम् ॥
यजुर्वेदः-संहिता
| अध्याय 15, मंत्र 50
तं पत्नीभिर्
अनु गच्छेम देवाः पुत्रैर् भ्रातृभिर् उत वा हिरण्यैः ।
नाकं गृभ्णानाः सुकृतस्य लोके तृतीये पृष्ठे ऽ अधि
रोचने दिवः ॥
यजुर्वेदः-संहिता
| अध्याय 15, मंत्र 51
आ वाचो मध्यम्
अरुहद् भुरण्युर् अयम् अग्निः सत्पतिश् चेकितानः ।
पृष्ठे पृथिव्या निहितो दविद्युतद् अधस् पदं कृणुतां
ये पृतन्यवः ॥
यजुर्वेदः-संहिता
| अध्याय 15, मंत्र 52
अयम् अग्निर्
वीरतमो वयोधाः सहस्रियो द्योतताम् अप्रयुच्छन् ।
विभ्राजमानः सरिरस्य मध्य ऽ उप प्र याहि दिव्यानि
धाम ॥
यजुर्वेदः-संहिता
| अध्याय 15, मंत्र 53
सम्प्रच्यवध्वम्
उप सम्प्रयाताग्ने पथो देवयानान् कृणुध्वम् ।
पुनः कृण्वाना पितरा युवानान्वा ताम्̐सीत्
त्वयि तन्तुम् एतम् ॥
यजुर्वेदः-संहिता
| अध्याय 15, मंत्र 54
उद् बुध्यस्वाग्ने
प्रति जागृहि त्वम् इष्टापूर्ते सम्̐ सृजेथाम् अयं च ।
अस्मिन्त् सधस्थे अध्य् उत्तरस्मिन् विशवे देवा यजमानश्
च सीदत ॥
यजुर्वेदः-संहिता
| अध्याय 15, मंत्र 55
येन वहसि
सहस्रं येनाग्ने सर्ववेदसम् ।
तेनेमं यज्ञं नो नय स्वर् देवेषु गन्तवे ॥
यजुर्वेदः-संहिता
| अध्याय 15, मंत्र 56
अयं ते योनिर्
ऋत्वियो यतो जातो ऽ अरोचथाः ।
तं जानन्न् अग्न ऽ आरोहाथा नो वर्धया रयिम् ॥
यजुर्वेदः-संहिता
| अध्याय 15, मंत्र 57
तपश् च तपस्यश्
च शैशिराव् ऋतू ऽ अग्नेर् अन्तःश्लेषो सि कल्पेतां द्यावापृथिवी कल्पन्ताम् आप ऽ ओषधयः
कल्पन्ताम् अग्नयः पृथङ् नम ज्यैष्ठ्याय सव्रताः ।
ये ऽ अग्नयः समनसो न्तरा द्यावापृथिवी ऽ इमे शैशिराव्
ऋतू ऽ अभिकल्पमाना ऽ इन्द्रम् इव देवा ऽ अभिसं विशन्तु तया देवतयाङ्गिरस्वद् ध्रुवे
सीदतम् ॥
यजुर्वेदः-संहिता
| अध्याय 15, मंत्र 58
परमेष्ठी
त्वा सादयतु दिवस् पृष्ठे ज्योतिष्मतीम् ।
विश्वस्मै प्राणायापानाय व्यानायोदानाय प्रतिष्ठायै
चरित्राय ।
सूर्यस् ते ऽधिपतिस् तया देवतयाऽङ्गिरस्वद् ध्रुवा
सीद ॥
यजुर्वेदः-संहिता
| अध्याय 15, मंत्र 59
लोकं पृण
छिद्रं पृणाथो सीद ध्रुवा त्वम् ।
इन्द्राग्नी त्वा बृहस्पतिर् अस्मिन् योनाव् असीषदन्
॥
यजुर्वेदः-संहिता
| अध्याय 15, मंत्र 60
ता ऽ अस्य
सूददोहसः सोमम्̐ श्रीणन्ति पृश्नयः ।
जन्मन् देवानां विशस् त्रिष्व् आ रोचने दिवः ॥
यजुर्वेदः-संहिता
| अध्याय 15, मंत्र 61
इन्द्रं विश्वा
अवीवृधन्त् समुद्रव्यचसं गिरः ।
रथीतमम्̐ रथीनां वाजानाम्̐
सत्पतिं पतिम् ॥
यजुर्वेदः-संहिता
| अध्याय 15, मंत्र 62
प्रोथद् अश्वो
न यवसे विष्यन् यदा महः संवरणाद् व्य् अस्थात् ।
आद् अस्य वातो ऽ अनु वाति शोचिर् अध स्म ते व्रजनं
कृष्णम् अस्ति ॥
यजुर्वेदः-संहिता
| अध्याय 15, मंत्र 63
आयोष् ट्वा
सदने सादयाम्य् अवतश् छायायाम्̐ समुद्रस्य हृदये ।
रश्मीवतीं भास्वतीम् आ या द्यां भास्य् आ पृथिवीम्
ओर्व् अन्तरिक्षम् ॥
यजुर्वेदः-संहिता
| अध्याय 15, मंत्र 64
परमेष्ठी
त्वा सादयतु दिवस् पृष्ठे व्यचस्वतीं प्रथस्वतीम् दिवं यच्छ दिवं दृम्̐ह
दिवं मा हिम्̐सीः ।
विश्वस्मै प्राणायापानाय व्यानायोदानाय प्रतिष्ठायै
चरित्राय ।
सूर्यस् त्वाभि पातु मह्या स्वस्त्या छर्दिषा शंतमेन
तया देवतयाङ्गिरस्वद् ध्रुवे सीदतम् ॥
यजुर्वेदः-संहिता
| अध्याय 15, मंत्र 65
सहस्रस्य
प्रमासि ।
सहस्रस्य प्रतिमासि ।
सहस्रस्योन्मासि ।
साहस्रो ऽसि ।
सहस्राय त्वा ॥
॥इति यजुर्वेदः पञ्चदशोऽध्यायः॥
अन्य अध्याय पढ़ने के लिए यहाँ क्लिक
0 comments